«Узавтосаноат» АҚ холдингінің баспасөз қызметінің хабарлауынша, Шавкат Умурзаковтың GM Uzbekistan өндіріс орнына жұмыс сапары кезінде өндіріс бойынша басқарушы директор міндетін атқарушы мен жалпы мәселелер бойынша бас директордың орынбасары міндетін атқарушыны қоса алғанда, зауыттың бірден он топ-менеджері жұмыстан босатылыпты.
Бұған себеп болған көптеген жылдар бойы өндірістің тұралауы мен шығынға батуына алып келген жұмыстағы қателіктер мен кемшіліктер екен.
Атап өтетін бір жәйт, зауыттағы кадрлық ауыс-түйіс өнімді өзге елдерге экспорттауға байланысты туындаған мәселелер аясында жүзеге асып отыр. Қазіргі таңда Ravon Ресей Федерациясында сатылып жатқан жоқ, Қазақстанда да өзбек көліктерінің сатылымы көңіл көншітпейді. Тіпті ел ішінде де жағдай мәз емес көрінеді. Соңғы мәліметтерге сенсек, тек қыркүйек айында зауыт көлік сатып алуға жіберілген он мың өтінімнің күшін жойған екен. Мұндай шешімнің себебі ашып айтылмайды.
Комментариев: 0