Chevrolet өкілі Drive басылымына біраз уақыт бұрын жария болған ақпаратты растады. Автоспортқа арналған ZZ632 индексті ірі қозғалтқыш (компания өндіретін ең қуатты мотор) 38 000 доллар тұрады. Ол 29 995 долларға сатып алуға болатын 1000 ат күшіне ие Hellaphant моторынан айтарлықтай қымбат.
Дербес бүрку функциясына ие және қысу күші 12.0:1 болатын 10 литрлік айрықша мотор үшін симметриялы тесігі бар RS-X цилиндрінің алюминий бастиегі, енгізу коллекторы, болаттан соғылған иінді білік пен бұлғақ (шатун), соғылған алюминий піспек (поршень) әзірленді. Агрегаттың ең жоғары қуаты — 1004 ат күші, ал айналу моменті — 1188 ньютон-метр. Кем дегенде 93-бензин құю ұсынылады.
ZZ632 моторы Chevrolet дилерлері арқылы 2022 жылдан бастап сатылады. Оны спорт командалары ғана сатып алмайтын секілді.
Комментариев: 0