Giannini Spettacolo — ең үздік Fiat 500

Апеннин аралынан тыс жерде танымал емес Giannini Automobili автошеберханасы Fiat 500-дің спорттық нұсқасы саналатын Abarth 595 сериясын түрлендірумен айналысады.

Spettacolo деп аталатын үш есікті машина тапсырыс бойынша жасалған шанақ панелі, алюминий капот және шам үстіндегі жалюзимен ерекшеленеді. Ауатартқышы бар жаңарған радиатор торы мен F1 болиді рухында жасалған етегін қамтитын аэродинамикалық бастырығы көз тартады.

1 / 8

• 
• 
• 
• 
• 
• 
• 
• 

1 / 8

Машинаның артқы жағында үлкен спойлер және диффузор үстінде бамперде орналасқан екі газ шығару түтігі көзге түседі. 18 дюймдік дөңгелегі карбон қақпақпен жабылған, көлік есігі ламбо стилінде ашылады.

Spettacolo-ның сырт пішіні ғана емес, техникалық сипаттамасы да ерекше. Abarth 595/695-тың ең жоғары қуаты 180 ат күші мен 250 Нм болса, Giannini Spettacolo-ның 1.4 литрлік 4 цилиндрлі T-Jet турбомоторы 250 ат күші мен 360 Нм береді. Ол 240  күшіне ие электрлі Abarth 600e Scorpionissima-дан да қуатты.

Көлік салмағы 985 келіге дейін жеңілдеп, қуат пен салмақ арақатынасы жақсарды. Нәтижесінде Spettacolo алғашқы жүздікті 5 секундта еңсереді, ең жоғары жылдамдығы — 280 км/сағ.

Giannini Spettacolo 133 мың еуро тұрады, небәрі 200 данасы шығады. Клиенттер өз көлігін бершама уақыт күтуге тура келеді, өйткені әр экземплярды қолмен құрастыруға бес ай уақыт керек.