Германияның келесі жылға дайындаған бюджет жоспары жақын арада жаңа электромобиль сатып алуды ойлап жүргендер үшін жағымсыз хабарға айналды. Экономика министрлігі мемлекеттік шығындарды қысқарту үшін электрлі көлікті субсидиялау бағдарламасы мерзімінен бұрын аяқталатынын хабарлады деп жазды Reuters.
Бұрын өтінім бергендерге ақшалай өтемақы төленеді, бірақ дүйсенбіден бастап жаңа өтінім қабылданбайды. 2016 жылдан бері бұл бағдарламаға 10 миллиард еуроға жуық ақша жұмсалды.
Германияда бағдарлама шартына сәйкес клиенттер үкімет пен өндіруші тарапынан 6750 еуро көлемінде жеңілдік алған болатын.
Дегенмен электрлі көлікке ауысу қарқынын түсірмеу үшін Audi, Mercedes-Benz, Volkswagen және Tesla сияқты ірі компаниялар шығынның орнын толтыруға уәде берді. Volkswagen бір автокөлікке 4500 еуро, ал Tesla 6750 еуро жеңілдік жасайды.
Комментариев: 0