Genesis өкілдері жаңа флагманның суретін жариялады. Седан 7-сериялы BMW, Mercedes-Benz S-Class және Audi A8-ге бәсекелес болады.
1 / 4
Машинаның ірі радиатор торы мен екі деңгейлі диодты шамдары бірден көзге түседі. Суретте капот пен қанаттың түйіскен жері көрінбейді. Соған қарағанда олар бір ірі бөлшекке біріктірілген сияқты.
Автоөндіруші G90-ның ұзыншақ нұсқасын да көрсетті. Оның дөңгелек базасы 190 мм-ге ұзартылған, артқы есігі де ұзын. Бұл көлікті жасаған шеберлер хромды аямапты, одан бөлек 20 дюймдік бірегей дискілер орнатқан.
Genesis седанның салонын көрсетпеді. Техникасы жайлы да тіс жармай отыр. Машинаға қатысты толық ақпарат желтоқсанға жоспарланған ресми тұсаукесерде айтылады.
Комментариев: 0