Геликтен жасалған кезекті арт-объект

Mercedes-Benz G-Class бұған дейін де бірнеше рет түрлі инсталляцияға негіз болған. Мысалы, 2018 жылы 1979 жылғы автомобиль мөлдір синтетикалық шайыр толтырған әйнек текше ішіне қойылды. Екі жылдан кейін америкалық модельер Вирджил Абло Project Geländewagen жобасын ұсынды.

G-Class-ты енді италиялық Moncler киім брендінің дизайнерлері әрледі. Олар Mercedes-Benz мамандарымен бірге жол талғамайтын көлікті автомобиль мен мамық күрте гибридіне айналдырып, Project Mondo G деп атапты. Арт-объект Лондон сән апталығына қатысады.

1 / 7

• 
• 
• 
• 
• 
• 
• 

1 / 7

Жоба классикалық G-Class пикапына негізделген. Машинаның жүк платформасы мен төбесінің бір бөлігі Moncler мамық күртесі стиліндегі тентпен жабылады. Дизайнерлер геликтің жаңа дөңгелегін де осындай стильде жасапты.

Mercedes-Benz Project Mondo G автоөндіруші мен Moncler-дің соңғы жобасы емес екенін айтты. Бірақ келесі бірлескен жоба тағы да арт-объект бола ма, әлде маркалы киім бола ма, қазірше белгісіз.