Геликке негізделген рестомод шығады

Британиялық Arcade Cars стартапы классикалық G-Class-қа, атап айтқанда, Швейцария армиясына арналған екі есікті GE 230-ге (230 GE) негізделген жобасының суретін жариялады.

G-Class рестомоды Sojourn деп аталады. Arcade Cars мамандары стандарт жұмыстардан бөлек машина интерьерін айтарлықтай өзгертеді. Шеберлер 230-дың салонын қымбат былғары және алькантарамен қаптап, Apple CarPlay және Android Auto-мен жұмыс істейтін заманауи медиажүйе орнатқан. Сондай-ақ олар классикалық геликтің бейнесін барынша сақтауға тырысты.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Күштік құрылымы да өзгерді. Машинаның базалық нұсқасы 125 ат күшіне ие 2.3 литрлік мотормен жүреді. Оған қарағанда сәл тәуір мотор — 149 ат күшіне ие 2.8 литрлік Mercedes қозғалтқышы. Ал ең қымбат Sojourn электрлі болады. Компания бұл нұсқаның сипаттамасын жариялаған жоқ. Электромотор, контроллер және батареяға қатысты жұмыстың бәрін Everrati фирмасы мойнына алады, бұл компания Porsche 911, Land Rover Defender және GT40-қа негізделген электромобильдерді жасауға атсалысқан.

Sojourn бағасы 130 мың доллардан басталады.