Аяқ асты пайда болып, әлем халқының үрейін алған коронавирус індеті Қытай инженерлеріне жаң бір міндет жүктеді. Жуырда Geely «анағұрлым қауіпсіз автокөліктер» әзірлеуге 370 млн юань (53 млн доллар) инвестиция құйылатынын мәлімдеді. Мұнда сөз қауіпсіздік жастықтары, соққы энергиясын сіңіретін бөлшектер сынды дүниелер туралы емес, салонға зиянды микробтардың кіруіне жол бермейтін вирусқа қарсы қорғаныс жайлы болып отыр.
Ол үшін Geely-дің отандық және шетелдік ғылыми-зерттеу орталықтары бактерия мен вирусқа қарсы қасиеттерге ие экологиялық жағынан берік материалдар шығарумен айналыспақ. Олар салқындату жүйелері мен адамдар жиі қолданатын рөл, беріліс қорабының селекторы, батырмалар мен сенсорлы панельдер сияқты заттар үшін пайдаланылады.
Geely басшысы Ань Цунхуэй адамдар өмірінің басым бөлігін автокөлікте өткізетіндіктен, мұндай жұмыстардың қолға алынуы аса маңызды екендігін атап өтті.
Комментариев: 0