Geely өз елінде Boyue L деп аталатын жаңарған Atlas кроссоверінің бағасын жариялады. Atlas Қытайда 2022 жылы жарық көрген, Geely екі жыл өтпей жатып модельді жаңартты, машинаның салоны айтарлықтай өзгеріпті. Жаңа өнімнің ең төменгі бағасы — 115 700 юань (7.1 млн теңге).
Жаңа Geely Atlas-тың сырт пішінінде үлкен өзгеріс жоқ, жалғыз айырмашылық — опция ретінде берілетін қара түсті шанақ декоры. Дөңгелек дискісі 18–20 дюймді болады.
12.3 дюймдік ортаңғы дисплейдің арқасында кроссовер интерьері едәуір өзгерді. Ол қазір дербес тұр, бұрынғы
Қытайда кроссовер екі түрлі турбомотормен жүреді. Екеуі де 7 сатылы робот және алдыңғы жетекті жүйемен жұмыс істейді. 1.5 литрлік базалық нұсқасы 181 ат күші мен 290 Нм береді, ал 2 литрлік нұсқасы 218 ат күшіне ие (325 Нм). Аралас циклдегі отын шығыны — 100 км-ге сәйкесінше 6.3 және 6.7 литр.
Geely Atlas комплектациясына байланысты бүйірлік қауіпсіздік жастығы, 10.25 дюймдік аспаптар панелі, 11 динамигі бар аудиожүйе, былғары салон және панорамалы шатырмен жабдықталады. Ең үздік кроссовер 149 700 юань (9.2 млн теңге) тұрады.
Комментариев: 0