Geely 2022 жылдың тамызында көрсеткен Boyue L кроссовері Қазақстанға келді. Біздің нарыққа Atlas атауымен шығатын 4.7 метрлік кроссовер басқа елдерде Starray атауымен таныс. Автомобиль CMA платформасын пайдаланады.
Сыртынан көлік Energy Stom деген өзіндік стилімен қызықтырады. Негізгі элементтерінің бірі — енін бойлай орналасқан жіңішке жарық техникасы мен жанып тұратын эмблемасы. Салонда 10.25 дюймдік цифрлы аспаптар панелі және 13.2 дюймдік медиакешен бар.
Қазақстанда Atlas екі турбомотормен сатылады (174 ат күшін беретін (290 Нм) 1.5 литрлік және 218 ат күші бар (325 Нм) 2 литрлік мотор). Қорабы — 7 сатылы робот. Машина алдыңғы жетекті.
Базалық Comfort нұсқасы 14 млн теңге тұрады. Оған стандарт көмекші электроника жиынтығы, артқы парктроник, жаңбыр сезгегі, TPMS және артқы камера кіреді. Қауіпсіздік жастығы тек алдында. Машина кілтсіз ашу жүйесі, климат-бақылау, круиз-бақылау, алты динамикті аудиожүйемен жабдықталған. Былғарымен қапталған орындықтар қолмен реттеледі, алдыңғы орындықты, рөлді, әйнек жуғыш бүріккішін, алдыңғы әйнекті және бүйірлік айналарды жылытқыш, бірнеше USB рәзеткесі бар.
Premium модификациясы 1.5 және 2.0 моторымен қолжетімді. Бірінші нұсқасы — 15 млн, екіншісі 15.8 млн теңге тұрады. Комплектация панорамалы шатыр, 19 дюймдік диск, екі аймақты
Үздік Flagship нұсқасы тек 2 литрлік мотормен 16.5 млн теңгеге сатылады. Ол музыка ырғағына қарай жыпылықтайтын жақсарған атмосфералық жарықпен, жүргізушінің реттелетін бел тірегіші мен орындық жастығы, алдыңғы орындықтарды желдету, проекциялық дисплей, тоғыз динамикті аудиожүйе, электр жетегі бар жүксалғыш, сондай-ақ перфорациялы былғарымен қапталған салонымен ерекшеленеді.
Үздік
Комментариев: 0