Geely концерні Таиланд тұрғындарына электропикап ұсынады. Бұл елде шағын жүк көліктеріне сұраныс жоғары, бірақ Radar суббрендінің өнімі өзін бәсекелес модельдерден ерекшелейтін бірнеше техникалық қасиетке ие. Бренд Таиланд үшін оның атауын өзгертіп, рөлін оң жаққа ауыстырады.
Рамалы толық жетекті көліктер жақсы өтетін елде Geely көтергіш шанағы бар батареялы пикап саудалауды көздеп отыр. Бренд халықты машина ерекше сырт пішінімен, бірегей дизайнымен және төмен бағасымен қызықтырады деп үміттенетін сияқты.
Суббрендтің Radar деген атауы Таиланд үшін Riddara болып өзгереді. Алдын ала мәлімет бойынша марка алдымен артқы осінде бір электромоторы (272 а.к.) бар моножетекті түрленімін сатады. Ол 560 шақырымды еркін еңсереді.
Қытайда RD6-ның толық жетекті нұсқасы да бар. 156 ат күшіне ие қосымша қозғалтқыш алған Horizon алғашқы жүздікті 4.5 секундта алады. Бірақ ол Таиландқа бара ма, жоқ па, белгісіз. Сипаттамасына келер болсақ, қос моторлы пикап әлдеқайда көп қызмет атқара алады. Мысалы, ол 3 тонна тіркемені сүйреп, 865 кг жүк тасиды, электрлі модулі де күштірек (21 кВт). Ал бір моторлы түрленімнің шамасы 2 тонналық тіркеме мен 775 келі жүк тасуға жетеді.
Комментариев: 0