Geely Galaxy A7-нің электрлі нұсқасын ұсынады

2025 жылы маусымда жарық көрген бес метрлік Geely Galaxy A7 EM-i (жүріс қоры 2100 км) гибрид седанының электромобиль нұсқасы болады. Бренд оны Қытайда ғана емес, басқа елдерде де сатады.

Батареялы Galaxy A7 сырттай гибридтен алдыңғы бамперіндегі тік декоративті элементімен, алдыңғы оң жақ қанаттағы қуаттау портының қақпағымен ерекшеленеді. Қос модельдің өлшемі де шамалас: электрлі көлік 17 мм ұзын, 5 мм биік.

Автомобиль 215 ат күшіне ие бір электромотормен жүреді. Ол сыйымдылығы 49.52 немесе 58.05 кВт·сағ литий-темір-фосфатты батареядан қуат алады. Жүріс қоры 470 және 550 км-ге жетеді.

Электромобиль салонының дизайны мен жабдықтары гибридке өте ұқсас. Жабдықтар тізімінде 10.2 дюймдік цифрлық аспаптар панелі, 14.6 не 15.4 дюймдік сенсорлы планшет, айнала шолу камерасы, екі аймақты климат-бақылау, 16 динамикті аудиожүйе, 50 Вт сымсыз қуаттау жүйесі, 256 түсті атмосфералық жарық және т.б. бар.

Geely Galaxy A7 EV-дің бағасын кейінірек жария етеді. Ал гибрид Қытайда 89 800–125 800 юаньнан (6.27–8.79 млн теңге) саудаланып жатыр