Geely Emgrand-ты тағы жаңартады

Компания седанның алғашқы суреттерін жариялады. Шанақ әрлеуінде аса өзгеріс жоқ. Интерьері де ауыспайтын сияқты, мотор гаммасы да бұрынғыдай қалады, себебі Geely оны былтыр жаңартқан.

Суреттерден басқаша радиатор торын, шетінде жаңа ендірмелері бар алдыңғы бамперді және жалғастырғышы жоқ шамдарды байқауға болады. Emgrand 15-17 дюймдік жаңа дискілер алды. Қытай өнеркәсіп министрлігінің мәліметінше, төрт есікті көліктің габариті өзгермейді. Ұзындығы — 4638 мм, ені — 1820 мм, биіктігі — 1460 мм және дөңгелек базасы 2650 мм болып қалады.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Модельдің интерьері былтыр өзгерген. 12.3 дюймге ұлғайған екі дисплейі бар медиажүйемен, жаңа әрлеу материалдарымен жабдықталды, комплектациясы көбейді. Компания сол кезде көлікке 127 ат күшін және 152 Нм момент беретін 1.5 литрлік төрт цилиндрлі жаңа мотор орнатты, ол 5 сатылы механикамен немесе вариатормен жұптасады. Рестайлингтен кейін бір жыл өткенде Geely қосымша өзгерістер енгізуі екіталай. Қазіргі жаңарту тек былтыр өзгермеген сырт келбетін қамтиды.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Қазақстанда Geely Emgrand механикалық қораппен, 6 сатылы автоматпен жұптасқан 122 ат күшін беретін қозғалтқышпен сатылады. Ресми сатушылардың арнайы ұсыныстарын есептемегенде седанның бағасы 9.2 млн теңгеден басталады.