Geely электромобилін жылдам қуаттап, рекорд жаңартты

BYD бір ай бұрын Blade аккумуляторының екінші буыны мен жылдам қуаттау технологиясын таныстырып, енді марканың жаңа электрокарларын 10-нан 70 %-ға дейін 5 минутта, 10-нан 97 %-ға дейін 9 минутта зарядтауға болады деп мәлімдеген. Бірақ брендтің бұл жетістігі ұзақ сақталмады, Geely оны басып озды. Golden Brick батареясының Energee деп аталатын жаңа нұсқасы одан да жылдам екен.

Energee батареясын 10-нан 70 %-ға дейін 4 минут 22 секундта, 10-нан 97 %-ға дейін 8 минут 42 секундта қуаттауға мүмкіндік бар. Айырмашылық үлкен емес, бірақ көрсеткіш жақсарғаны анық. Аккумулятор Zeekr V4 станциясында (1300 кВт) сынақтан өткен.

Аккумулятор сериялық машинадан орын алуға дайын. Компания оны жаңартып, атауы 10 және 10+ болып өзгерген Lynk&Co Z10 электромобиліне қояды. Ұзындығы 5 метр, дөңгелек базасы 3 метр автомобиль 900 вольттық архитектураға негізделген. 10+ нұсқасы 925 ат күшіне ие екі электромотормен жүреді, мұндай машина 3.2 секундта жүзге дейін жылдамдық алады. Energee батареясының 95 киловаттық нұсқасын алған электрокардың жүріс қоры 816 шақырымға жетеді.

1 / 5

• 
• 
• 
• 
• 

1 / 5

Марка Қытайда жаңа модельге тапсырыс қабылдап жатыр. Ең арзан түрленімінің бағасы 200 000 юаньнан (13.4 млн теңге) басталады.