Geely-дің ұзаққа шабатын және жылдам электрлі седаны шықты

Geely концерні Қытай нарығына қоршаған ортаға зиянсыз топтаманың үшінші моделін шығарды. E8 седаны ерекше опциялары бар жоғары технологиялы салонмен, екі түрлі күштік құрылыммен, жабдықтар тізімінің бес нұсқасымен жабдықталады. Құны 175 800-228 800 юань болатын Galaxy E8 басты бәсекелесі Xiaomi SU7-ден арзан болады.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Ұзындығы 5010 мм Geely Galaxy E8-дің ось арасындағы қашықтығы — 2925 мм. Жылжымалы есік тұтқасы бар сүйір пішінді көлік басқа қытайлық электрлі седандарға ұқсайды. Жаңа модельдің ерекшелігі ретінде өзгеше фаралары мен бампердің күңгірт жарығы көзге түседі. Аэродинамикалық кедергісінің коффициенті бойынша Mercedes-Benz EQS-ті артта қалдырып, Xiaomi SU7-ден сәл қалып, 0.199 құрады.

Бәсекелестер арасында cалондағы негізгі ерекшелік — алдыңғы панельдегі ірі экран. Көлемі 45 дюйм болатын дисплей жеке-жеке емес, бірыңғай тачскрин ретінде жасалған. Экранды стандарт аспаптар панелі мен екі медиадисплейге, алдыңғы жолаушымен бейнеойын ойнау үшін ортасынан бөлуге болады. Осы үшін арнайы геймпад қосу мүмкіндігі қарастырылған. Медиажүйеде Snapdragon 8295 чипі бар және Meizu смартфонымен үйлесімді Flyme Connect функциясымен жұмыс істейді.

1 / 18

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 18

Суреттерден Galaxy E8-де екі түрлі рөл болатынын көруге болады. Біріншісі — үлкен қос шабақты, астыңғы жағы түзу, екіншісі — Tesla мен Toyota-ның жақында шыққан штурвалы секілді. Беріліс қорабы селекторы рөл колонкасында орналасқандықтан, ортаңғы тоннельде ұсақ-түйек салатын орын мен смартфонды сымсыз қуаттағыш жайғасты. Проекциялық дисплей, бірнеше USB-порт және 12 динамиктің кейбірін алдыңғы панельге орнатқан.

Жаңа өнім Geely SEA платформасына негізделген. Базалық модификацияда артқы осьте 272 ат күші бар мотор, 550 шақырымға жететін 62 киловаттық батарея орнатылған. Алғашқы жүздікті 5.95 секундта еңсереді. Үлкенірек 76 киловаттық батарея арқылы жүріс қоры 665 шақырымға өседі. E8-дің үздік нұсқасы бірлесіп жұмыс істейтін, 645 ат күшін беретін екі мотормен жүреді және алғашқы жүздікті 3.49 секундта алады. Үлкен батарея орнатылғанның өзінде жүріс қоры 620 шақырымға дейін төмендейді. Geely автомобильдің тұрақтылығы артты және «Moose test» сынағынан 82 шақырым жылдамдықпен өтті деп мәлімдеді.

Жаңа модельдің бәсекелесі Xiaomi SU7-нің сипаттамасы мен өлшемі ұқсас болғанымен қымбатқа түсуі әбден мүмкін. Бағасы ресми түрде жарияланбады, бірақ жергілікті БАҚ бағасы 230-360 юань арасында болатынын айтқан. Xiaomi өкілдері бұл ақпартты жоққа шығарып, ресми мәлімдемені күтуді ұсынды. SU7-нің құны 500 юаньға жетеді деген болжам бар