«Газельдің» сырт келбеті өзгерді

Санкт-Петербургте өткен шара газ саласына арналғандықтан, компания «Газель Next-ті» газ шаруашылығына арналған автокөлік ретінде ұсынды. Фургон екі түрлі отын тұтынатын шойын цилиндр блогы бар 3 литрлік УМЗ Evotech CNG қозғалтқышымен жабдықталған, ол бензинмен де, метанмен де жұмыс істейді.

Бұл жолы көліктің ішкі құрылымы емес, жаңа келбеті қызығушылық туғызды. Бұрынғы галоген шамның орнына енді жолақты күндізгі жарық шамы бар жіңішке жарықдиодты фара. Көлік жаңарған радиатор торы, шанақ түсіне боялған бампер және «Газель NN-нен» алынған бедерлі капотпен жабдықталды. Артқы шамдары ұзарып, алдыңғы жағындағы эмблемасы көгілдір контурлы жарық алды.

Жаңа модельдің өндірісіне қатысты нақты мерзім айтылмады. Сырт келбеті ғана өзгеретін болса, өндіріс процесі ұзаққа созылмауға тиіс.