Ішкі істер министрлігінің өкілдері қазіргі уақытта елде 350 мыңнан аса газбен жабдықталған машина барын атап өтті, әрі олардың саны күн санап артуда. Сонымен қатар газбен жүретін автокөліктермен байланысты өрттің де саны артып келеді.
Inform.kz хабарлағандай, көлік құралында болатын өрт олардың жалпы санының 20 %-ын құрайды. ІІМ мұндай төтенше жағдайдың болуын газбен жабдықталған кейбір машиналарда артық қысым клапанының жоқтығымен байланыстырады. Баллонды 85 %-дан артық толтырғанда температураның артуы салдарынан газ ұлғайып, жарылысқа әкеп соғады.
Сол себепті Өрт қауіпсіздігі ережелеріне газ баллонмен жабдықталған автокөліктердің жабық тұрақтарға кіруіне тыйым салатын өзгерістер енгізілген.
Естеріңізге сала кетейік, аталған шектеу Қазақстанда 2019 жылдың 30 желтоқсанынан бастап күшіне енді.
Газбен жүретін көліктерге поицейлер арнайы белгі жапсырады.
Заң бойынша автокөлікке арналған газ жабдығын жыл сайын тексеру қажет. Оның дұрыс жұмыс істеп тұрғанын растайтын таңбасыз техникалық тексерістен өте алмайсыз.
Комментариев: 0