Galaxy Starship 7-нің бағасы белгілі болды

Geely-дің жаңа өнімі туралы мәлімет қазаннан бастап біртіндеп тарап жатыр. Толық техникалық сипаттамасы мен бағасы сауда басталғанда белгілі болды.

Өлшемдері — 4740×1905×1685 мм, салмағы — 1610–1724 кг. Ол 110 ат күшін (136 Нм) беретін 1.5 литрлік атмосфералы қозғалтқыш пен 215 ат күшіне ие (262 Нм) электромоторы бар бензоэлектрлі NordThor EM-I қондырғысымен жүреді, моторлар вариатормен жұптасады. Көлік тек алдыңғы жетекті.

1 / 10

• 
• 
• 
• 
• 
• 
• 
• 
• 
• 

1 / 10

Galaxy Starship 7-нің жүріс қоры 1420 км шақырымға жетеді, 100 шақырымға 3.75 литр жанармай жұмсайды. Батарея сыйымдылығына (8.5 немесе 19.1 кВт·сағ) байланысты электрлі режимде жүріс қоры 55-120 км аралығында (CLTC циклінде) болады. Машина алғашқы жүздікті 7.5 секундта еңсереді, ең жоғары жылдамдығы — 180 км/сағ. Жылдам қуаттау функциясы аккумуляторды 30-дан 80 %-ға дейін 20 минутта толтыруға мүмкіндік береді.

Жабдықтар тізіміне 10.2 дюймдік цифрлы аспаптар панелі, 13.8 дюймдік проекциялық дисплей және 14.6 дюймдік мультимедиа экраны кіреді. Ең жиі қолданылатын салон функциялары үшін физикалық батырмалар қалған. Қымбат нұсқалар панорамалы шатыр, жылыту және желдету функциясы бар массаж жасайтын орындықтар, 16 динамигі бар Flyme Sound аудиожүйесі және 50 Вт сымсыз қуаттағышпен жабдықталған. Жүксалғыш көлемі — 528-2065 литр.

1 / 3

• 
• 
• 

1 / 3

Базалық Sailing Edition-нің бағасы 99 800 юаньнан (7 млн теңге) басталады. Қымбатырақ Exploration Edition, Sailing+ Edition және Exploration+ Edition нұсқаларының құны 109 800–122 800 юань (7.7–8.6 млн теңге) аралығында. Ал флагмандық Pilot Edition 132 800 юань (9.4 млн теңге) тұрады. Бренд клиент тарту үшін көлік бағасын уақытша төмендетіп отыр.