GAC GS8 Қазақстанда қанша тұрады?

Қазақстанға тамызда келген қытайлық GAC топтамасындағы екінші модельдің бағасы белгілі болды. Бұл — 2021 жылғы 7 орынды GS8 кроссовері. Ұзындығы 4980 мм, ал дөңгелек базасы 3 метр автомобильді төрт комплектацияда ұсынады.

Қай нұсқа болмасын 8 сатылы автоматпен жұптасқан 2 литрлік турбомотормен (248 а.к., 400 Нм) жүреді. Машина толық жетекті.

1 / 7

• 
• 
• 
• 
• 
• 
• 

1 / 7

Жол талғамайтын GS8-дің бағасы 20 млн теңгеден басталады. Бұл сомаға клиент 19 дюймдік дөңгелек дискілері, жарықдиодты оптикасы, көмекші электрониканың базалық жиынтығы, артқы көрініс камерасы, кілтсіз ашу жүйесі, үш аймақты климат-бақылау, жүксалғыш есігі мен алдыңғы креслоның электр жетегі, бірінші қатардағы креслоларды, айна мен алдыңғы терезені жылытқыш, 10.1 дюймдік медиажүйе дисплейі және 12.3 дюймдік цифрлы аспаптар панелі, USB рәзеткелер бумасы және сегіз динамигі бар аудиожүйе орнатқан GL нұсқасын алады.

GT-дің екінші жиынтық түрі 21.2 млн теңге тұрады және 20 дюймдік дөңгелек дискілерімен, салондағы атмосфералы жарық, рөлді және артқы орындықты жылытқыш, панорамалық шатыр, 14.6 дюймдік экраны бар медиажүйе, смартфонды сымсыз қуаттау жүйесі, алдыңғы жарықты автоматты ауыстыру, бейімді круиз-бақылау, жол белгілерін танып білу жүйесі, автотежеу, жолақты бақылау және ұстау, айнала шолу камерасы сияқты жүргізуші ассистентінің толық жинағымен сатылады.

1 / 7

• 
• 
• 
• 
• 
• 
• 

1 / 7

Қымбат нұсқадан бір саты төмен тұратын GX-тің құны — 22.5 млн теңге. Ол акустикалық бүйірлік әйнектермен, автомобильдегі ауа сапасын бақылау жүйесімен (AQS), жүргізуші орындығының жады және бапталатын орындық жастығымен ұсынылады. Үшінші қатар электр көмегімен реттеледі және он динамикті Alpine аудиожүйесі, көрінбейтін аймақты бақылау мен автоматты тұраққа қою жүйелері, жүргізушінің тізе тұсында тұратын қауіпсіздік жастығы бар.

GS8-дің GX+ аталатын ең қымбат түрленімі 23 млн теңгеге бағаланып отыр. Бұл көлікте жоғарыда аталғандардың қатарына амандасу функциясы мен алысқа түсетін бейімді жарығы бар әлдеқайда күрделі алдыңғы жарық техникасы қосылады.