GAC концерні Қытайда Aion суббрендінің топтамасындағы жаңа Hyptec HL кроссоверін сата бастады. Модельге төрт түрлі электромотор және бір тізбекті гибрид орнатады. Бағасы — 269 800–319 800 юань (19–22.5 млн теңге).
GAC Aion Hyptec HL-дің өлшемдері — 5126 × 1990 × 1750 мм, дөңгелек базасы — 3088 мм. Автомобиль айрықша бас оптика және радиатор торының орнына диодтар орнатылған панель алды. Ол қарапайым анимация көрсете алады. Кроссовер артқы тірегімен және дискілерімен ерекшеленеді.
Электрлі Hyptec HL-дің ең арзан нұсқасы артқы осьте тұратын 340 ат күшіне ие (430 Нм) қозғалтқышпен жүреді, алғашқы жүздікті 6.5 секундта еңсереді. Толық жетекті модификацияның алдыңғы осінде 177 ат күшін беретін (240 Нм) агрегат бар. Онымен динамикасы 2 секундқа жақсарады. Екеуі де 95.9 және 108.35 кВт⋅сағ аккумулятор болады. Жүріс қоры — 670, 700 немесе 750 км. Барлық электромобиль 800 вольттық архитектураға негізделген. Батареяны 30-дан 80 %-ға дейін қуаттауға 10–15 минут кетеді.
Гибридтің сипаттамасы базалық электрлі нұсқадағыдай және күштік құрылымында 1.5 литрлік бензинді мотор бар. Автомобиль 60.33 кВт⋅сағ CATL аккумуляторымен 350 шақырым еңсере алады, жалпы жүріс қоры — 1200 км. Мұндай Hyptec HL алғашқы жүздікті 7.5 секундта алады.
Жаңа модельдің салонындағы әр қатарға екі орындық орнатып, үш қатарлы қылуға болады. Бес орынды нұсқасы да сатылады. Жабдықтар тізімінде массаж, жылыту жүйелері, тоңазытқыш және 24 динамик бар. Медиажүйе Snapdragon 8295P чипімен жұмыс істейді және 8.8 дюймдік аспаптар панелі, 17.3 дюймдік ортаңғы сенсорлы дисплей және өлшемі бірдей артқы жолаушыларға арналған экранмен жабдықталған. Дыбысты көмекші DeepSeek тілдік моделіне негізделген. Көлік 11 камера және 15 түрлі радары бар жүргізуші ассистенттерінің кешенін алады.
Hyptec бренді GAC портфеліне былтыр жазда қосылды. Сол кезде компания Hyper атауынан бас тартқан, енді ресми түрде Hyper Technology Life деп аталады.
Комментариев: 0