«Форсажға» түскен жүк көлігі сатылады

Bring a Trailer аукционында әйгілі «Форсаж» фильмінің бір тармағы саналатын «Хоббс и Шоу» картинасында төбе көрсеткен Peterbilt тартқышы саудаға түсіп жатыр. Бұл көлік тікұшақпен «арқан тартқан» эпизодка қатысқан. Эвакуаторды шеберлер арнайы құрастырған және Peterbilt маркасына тікелей қатысы жоқ. Бірақ оны есепке қойып, ел қатарлы жалпы жолда жүргізуге болады.

1 / 24

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 24

А тәрізді кран рамасы мен екі орынды кабинасы бар эвакуатор 1993 жылғы Chevrolet Suburban-ға негізделген. Шассиі King койловерлі көп иінтіректі аспамен, дискілі тежеуіштермен және 20 дюймдік дөңгелек дискілерімен толыққан.

Ауыр техника Chevrolet-нің 525 ат күшіне ие 6.2 литрлік V8 моторымен жүреді. Агрегат 3 сатылы автомат қораппен және дифференциалы бұғатталатын Currie Enterprises артқы белдігімен жұмыс істейді. Ал анық көрініп тұрған ірі турбокомпрессор корпусы мен тік газ түтіктері — муляж.

Мамандар Peterbilt-тен кабина ғана алған. Интерьерін өздері жасапты. Онда Beard орындығы мен алюминий панельдегі AutoMeter аналогты аспаптары бар.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

«Хоббс и Шоу» прокатқа шыққан соң автомобиль бірнеше жарнамаға түсіпті, ал 2019 жылы жеке тұлғаның қолына өткен. Кастом құрылысы аяқталған соң 3 мың шақырым жүрген екен, бірақ базалық шасси қанша жол жүргені белгісіз.

Сатушы эвакуатор құрастыруға 285 мың доллар жұмсағанын айтты. Алайда автомобиль үшін 27 мың доллардан артық ақша беруге дайын адам әлі табылған жоқ. Бәссауданың аяқталуына бір тәуліктей уақыт қалды.