GT-A International компаниясы «Форсаж 4» фильміне қатысқан Nissan Skyline GT-R (BNR34) көлігін аукционға қояды. Кинода машинаны кейбір ірі пландағы және салон ішіндегі статикалық кадрларды түсіруге пайдаланған.
Фильмге арналған Skyline GT-R-ді актер Пол Уокер мен Kaizo Industries ательесінің шебері Дэрил Элисон бірге құрастырған.
Машинаға Nismo серіппесі, ARC тірегі, алдында 6, артында 4 поршенді Rotora тежеуіш суппорты, 19 дюймдік Volk Racing RE30 дөңгелек дискісі, Turbonetics интеркулері және т. б. жабдықтар орнатылған. Сатушылар 6 сатылы Getrag механика қорабы және толық жетек жүйесімен жұмыс істейтін 2.6 литрлік RB26DETT турбомоторының қуатын жазбапты.
Салонда да өзгеріс бар. Алдыңғы панельдегі үлкен экран бірден көзге түседі. Ол Windows жүйесіндегі компьютердің бір бөлігі саналады. Одан әртүрлі сезгектердің көрсеткішін көруге болады. Сондай-ақ Momo рөлі мен арнайы қауіпсіздік қаңқасы назар аудартады.
GT-A International «Форсаждағы» Skyline GT-R-ді қаншаға сатқалы отырғаны белгісіз. Бірақ машина өте қымбат болуы мүмкін. Франшизаның бірінші бөліміне түскен Toyota Supra 550 000 долларға өткен.
Комментариев: 0