Формула-1 жарысына АҚШ атынан қатысқан алғашқы болид сатылады

Осы уақытқа дейін АҚШ командалары Формула-1 кубогын алып көрмеген. Бірақ мұхиттың арғы жағындағы елдің спортшылары сонау 1960 жылдан бері жарысқа қатысып келеді. АҚШ атынан алғаш жарыс жолына шыққан болид аукционға қатысады. Mecum бәссауданы тамыздың ортасында өткізеді. Бағасы болжам бойынша миллон долларға жетіп қалуы мүмкін.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Scarab командасы 1950 жылдары жергілікті жарыстарға шығатын спорткарлар жасай бастаған. 8 цилиндрлі мотормен жабдықталған машиналар 1958 жылы SCCA ұлттық сериясында жеңімпаз атанды, содан кейін команда басшылары Формула-1-ге жол тартайық деген шешім қабылдады.

1 / 7

• 
• 
• 
• 
• 
• 
• 

1 / 7

Беделді сайысқа қатысу үшін дөңгелектері ашық, моторы алдыңғы бөлікте орналасқан айртықша спорткар жасалды. Шеберлер оған арнап 4 цилиндрлі күштік агрегат құрастырды. 2.4 литрлік қозғалтқыш 4 сатылы механикамен жұмыс істеді. Ауырлық ортасын төмендету үшін моторды бір жағына қисайтып қойған, оның поршендері көлденеңінен қимылдайды. Команда сондай үш автомобиль жасаған.

Scarab әйгілі «Монаконы» қоса алғанда, бес Гран-приде төбе көрсетті, алайда мәреге бір ғана болид жете алды. Сол кезде оныншы орын алған дәл сол спорткар жақында саудаға түседі. Команданың сәтсіз өнер көрсетуіне мотордың біртүрлі құрылымымен байланысты техникалық ақаулар себеп болған көрінеді.

Біраз уақыт бұрын автомобиль реставрациядан өтіпті, оған Scarab-тың бұрынғы инженері Дик Траутман мен 1960 жылы көлікті тізгіндеп, мәреге жеткен шабандоз Чак Дэй қатысқан. Бұл болид әлемдік автоспорт тарихының ажырамас бөлігі саналады, сондықтан оған коллекция жинаушылар қызығуы мүмкін.