Формула-1-ге арналған өрт сөндіру көлігі сатылады

Artcurial аукционы өте сирек кездесетін Maserati Quattroporte-ні сатуға қойды. Ол өрт сөндіру көлігіне айналып, Формула-1 жарысының Италия Гран-приі кезінде пайдаланылған бірінші буындағы седан. 1960 жылдардың аяғында шеберлер бес седанды осылай өзгерткен, қазір солардың бірін қалпына келтіріп, 150–250 мың еуроға сатуды көздеп отыр.

1963 жылы жарық көрген Maserati Quattroporte нарықта өз орнын тапты. Ол бұрын тек споркар мен гран-турер шығаратын брендтің алғашқы төрт есікті моделі болды. Сондай-ақ ол Еуропадағы алғашқы үлкен әрі жайлы спортседан атанды. Сол үшін Quattroporte клиенттер арасында сұранысқа ие болды.

Мамандар өлшемі мен V8 моторы үшін Quattroporte-ні өрт сөндіру көлігіне платформа ретінде таңдаған. Спортседан жарыс жолындағы апат орнына сол кездегі ірі дизельді жүк көліктеріне қарағанда тез жететін.

Жобаны CEA өртке қарсы құрал-жабдық өндірушісі бастап, Grazie шанақ ательесі жүзеге асырды. Шеберлер салонның алдыңғы бөлігін бөліп, артқы жағын пикап стилінде жүк аймағына айналдырды. Оған өрт сөндіруге қажетті құралдарды салуға болады. Quattroporte-нің алдыңғы бөлігі өзгеріссіз қалады.

1 / 4

• 
• 
• 
• 

1 / 4

Аукцион сипаттамасынан өрт сөндіру көлігіне айналған Quattroporte II Series-тің сырт пішіні ғана емес, күштік құрылымы да өзгергенін байқауға болады. 1960 жылдардың екінші жартысында италиялық компания седанға 4.1 литрлік емес, 4.7 литрлік мотор орната бастады. Қуаты 260-тан 286 ат күшіне артты. Quattroporte жылдамдығы сағатына 255 км-ге жетеді, ол сол кзеде әлемдегі ең жылдам сериялы седан атанған.

Өрт сөндіру машинасы 1970 жылдардың аяғына дейін Италиядағы жарыс жолында жұмыс істеді. Содан кейін оны утилизацияға жіберуді ойлаған, бірақ белгілі француз коллекционері автомобильді сақтап қалды. Сатушылар 2010 жылдардың басында экзотикалық пикапты толық қалпына келтіргенін жазды, олар бұған алты жыл уақыт жұмсапты.