Формула-1 чемпионы көлігін сатады

Black Edition нұсқасындағы 2012 жылғы Nissan GT-R моделі Piston Heads алаңында сатылады. Суперкар Формула-1 жарысының төрт дүркін чемпионы Себастьян Феттельге тиесілі. Бірақ ол машинаны қолданбаған сияқты, өйткені көлік небәрі 150 шақырым жол жүрген. Бағасы – 250 мың еуро.

1 / 5

• 
• 
• 
• 
• 

1 / 5

Nissan зауыты GT-R-дің Black Edition нұсқасын 2012-2013 жылдары ғана шығарды. Суперкардың бұл түрленімі 20 дюймдік Rays эксклюзив дөңгелегімен және карбон антиқанатымен ерекшеленеді, ал салонына Recaro орындықтарын қойып, қызыл-қара түсте әрлеген.

1 / 4

• 
• 
• 
• 

1 / 4

Сатушы 545 ат күшіне ие 3.8 литрлік V6-мен жүретін купе алғашқы жүздікті 2.7 секундта алады дейді.

Әйгілі шабандоз GT-R-ді не себепті жүргізбегені жазылмапты. Бірақ таңдауы коллекциясындағы басқа экспонаттарға жиі түскен сияқты. Феттель жинаған темір тұлпарлар тізімінде Ferrari, BMW және Mercedes-AMG модельдері болған, бірақ спортшы біразынан арылды. 2021 жылы ол Ferrari LaFerrari мен Ferrari F50, BMW Z8 және Mercedes-Benz SL 65 AMG Black Series-ті сатты.