Ford Sierra RS500 бірегей рестомодқа айналады

Британиядағы Auto Vision Club деп аталатын автоклуб ерекше жобасын таныстырды. Ол Ford Sierra RS500 спорткарын жақсартуды көздеп отыр. Бренд 1987 жылы бұл модельдің небәрі 500 данасын шығарған. Шеберлердің қолына жағдайы онша жақсы емес 148-машина түсіпті.

Жобаның тағы бір ерекшелігі, оған түпнұсқа спорткарды Aston Martin-мен бірлесіп жасаған Cosworth қатысады. Компания 300 «арғымағы» бар 4 цилиндрлі 2 литрлік мотордың күшін арттыруы керек. Алайда, нақты сандар айтылмады.

1 / 5

• 
• 
• 
• 
• 

1 / 5

Carbon Piranha (карбон пиранья) атауын алған рестомодтың сыртын әрлеуге әлеуметтік желіде Yasid Design деген атпен танымал Ясид Озир жауапты. Рендеріне қарасақ, автомобильдің алды айрықша, бастырығы жалпақ, дөңгелек дискілері 1980 жылдардағы жарыс болидтерінікіндей болатын сияқты, бірақ Т тәрізді спойлерін сақтап қалады. Шанақ панельдері толығымен карбоннан жасалатындықтан, мың келіге дейін салмақ тастауға тиіс.

Carbon Piranha-ның техникасына қатысты басқа мәлімет жоқ, қашан дайын болатыны да беймәлім. Оған автоклуб құрамындағы бір адам иелік ететіні ғана белгілі.