Джим Фарли мен компанияның қаржы директоры Джон Лоулер Қытайдан үреймен оралды. Wall Street Journal басылымы хабарлағандай, жергілікті автоөнеркәсіптің даму деңгейіне алаңдаған топ-менеджерлер Қытай өндірушілері Еуропа мен Америкадан озып кеткенін мойындады.
Басылым дереккөзі Ford басшылары Қытайға америкалық концерн мен Changan арасындағы бірлескен кәсіпорын шаруасымен барғанын мәлімдеді. Сапар барысында серіктестің тест-драйвтан өткен жаңа моделінен қонақтар ерекше әсер алған.
Ford басшысының айтуынша Қытайдағы жағдай 1980 жылдардағы жапон автомобиль өнеркәсібінің қарқынды даму кезеңін еске түсіреді, сол кезде Toyota, Honda және басқа компаниялар беделді ойыншыларға айналған еді. Қытай брендтерінің артып келе жатқан ықпалы Оңтүстік Корея өндірушілерінің жетістігіне ұқсас.
Компания 2027 жылы арзан электрокар ұсынуды жоспарлап отыр. Концерн басқа өндірушілер сияқты толық электрлі көлік өндірісіне көшуден бас тартып, іштен жанатын қозғалтқыш пен гибрид құрылым шығаруды жалғастыру туралы шешім қабылдады.
Биыл күзде күшіне енетін жаңа кедендік тариф аспан асты еліне қарсы тұруға көмектесетін тағы бір шара. Қытай көліктерінің таралуынан қорғану үшін тариф енгізуді АҚШ пен Еуроодақ қолдап отыр.
Комментариев: 0