2014 жылдан бері сұранысқа ие модельдің қазіргі буыны конвейерден алынады. Соңғысы — 2.3 литрлік турбомотормен жабдықталған, ақ спорткар еді. Марка 2022 жылы күзде таныстырған жаңа Ford Mustang биыл жазда өз иелерін табады.
Ford соңғы онжылдықтың нәтижесі бойынша («Мустангтың» алтыншы буыны сатылған кезде) бұл модель спорткарлардың көшін бастап тұрды деді. Жаһандық нарыққа жақында ғана шықты. Бұған дейін спорткар тек АҚШ-та сатылып келді.
Автокөліктің 78 %-ін Солтүстік Америка халқы сатып алады, бұл көрсеткіш жыл сайын төмендеп жатыр. Бірақ Германия, Ұлыбритания және Таяу Шығыста қуатты пони-карға сұраныс жыл санап өсіп келеді.
Жетінші буындағы Ford Mustang мотор гаммасы бұрынғыдай, машина 2.3 литрлік төрт цилиндрлі қозғалтқышпен не 5 литрлік V8-бен жүреді. Бірақ қозғалтқыштардың қуаты артты және модельдің өзі қайта жасалған маңызды платформаны тірек етті.
Одан бөлек капот астында 507 ат күшіне ие V8 тұратын және ерекше опциялары бар Dark Horse нұсқасы шығады. Сонымен қатар компания «Мустанг» базасында түрлі жарыстарға қатысатын бірнеше трек көліктерін жасайды.
Комментариев: 0