«Форд-Бронко» — Барбидің арманы

Флоридадағы Bayshore Automotive тюнинг-ательесі сериялы Bronco-ны Барби атымен танымал Барбара Миллисент Робертстің ойыншық машинасының стиліне салды. Жоба басты рөлді Марго Робби мен Райан Гослинг сомдаған 21 шілде прокатқа шығатын барби-фильммен қатар жарық көреді, бұл кездейсоқ па, әлде әдейі солай жоспарлаған ба, белгісіз.

1 / 19

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 19

238 миль (383 км) жол жүрген 2023 жылғы бес есікті көліктің сыртқы бөлігі күңгірт қызғылт түске боялған. Бастырығы, радиатор торы, тіреуіші бар алынбалы төбесінің панелі мен дөңгелектері ақ түсті, кір көтермейтін, қолайсыз түс екені рас, бірақ қызғылт түспен жақсы үйлесіп тұр.

1 / 11

• 
• 
• 
• 
• 
• 
• 
• 
• 
• 
• 

1 / 11

Автомобиль екі тұманға қарсы шамы бар болат бампер, N-Fab басқышы бар табалдырық қорғанысымен және арка кеңейткішпен жабдықталған. Алдыңғы оптика Morimoto, артқы шамы Oracle фирмасының өнімі. 20 дюймдік Black Rhino дискісі 37 дюймдік Nitto шинасымен қапталған, соған орын ашу үшін машина клиренсі 5 дюймге артты. Автоматпен жұмыс істейтін 2.7 литрлік EcoBoost V6 моторы өзгеріссіз қалды. Орындық қызғылт тігісі бар ақ былғарымен қапталған. Аспаптар панелі мен ортаңғы консоль де ақ түсті.

Barbie Dream Bronco 89 890 долларға бағаланып отыр. Қызыңыздың мектеп бітіру кешіне керемет сыйлық болары сөзсіз.