Ford Bronco Қытайда кемперге айналды

Биыл жазда Ford Bronco топтамасы Қытай нарығында эксклюзив кроссовермен толықты, қазір компания тапсырыс қабылдап жатыр. Осыған орай Ford пен Jiangling Motors альянсы One-Touch Camping немесе Basecamp деп аталатын ерекше пакетін көрсетті. Онымен кроссовер шағын автокемперге айналады. Бұл пакет 12 мың юань (920 мың теңге) тұрады, бірақ электрокар немесе гибрид ретінде сатылатын Bronco-ның бағасы әзірге белгісіз.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Пакеттің басты артықшылығы — көтермелі шатыр. Дегенмен онда қосымша жатын орын жоқ, тек әйнек люк бар. Bronco-ның алдыңғы орындықтары батырмасын басқанда бүктелетін арнайы бас тірегішпен жабдықталады. Сондықтан орындықтарды толық жатқызып, жататын орын жасау әлдеқайда жеңілдейді.

Кроссовердің жүксалғышында жиналмалы үстел, оның артында зат сақтайтын орын, бірнеше стақан қойғыш, асүй заттарына арналған магнитті ұстағыш және бөтелке ашқыш бар. Мұның бәрін алғашқы тапсырыс берушілер 1000 юань депозит төлеген жағдайда тегін алады.

1 / 6

• 
• 
• 
• 
• 
• 

1 / 6

Қытайға арналған эксклюзив Bronco екі түрлі күштік құрылыммен жүреді. Толық электрлі нұсқасы 452 ат күшіне ие және 650 шақырымды еркін еңсереді. Бұған дейін гибрид тек бензинді қозғалтқыш (150 а.к.) пен электромотор (245 а.к.) алады, артқы жетекті болады деген ақпарат тараған. Бірақ кейін жалпы қуаты 421 ат күшіне тең екі агрегатпен жабдықталатыны белгілі болды. Мұндай Bronco-ның жүріс қоры 1220 шақырымға жетеді.