Karma спортседаны және Ocean электрокроссоверімен танымал Fisker АҚШ сотына өзін банкрот деп жариялау туралы арыз берді. Reuters хабарлағандай, компания кредиторлармен есеп айырысу үшін активтерін сатуға рұқсат алуға күш салады. Fisker қарыз құрсауынан шығуға тырыссқанымен, стартапқа ешкім көмектесе алмады.
Фирма ресми мәлімдемесінде қаржы тапшылығына «әртүрлі нарықтық және макроэкономикалық кедергілер» себеп болғанын айтты. Бұған кейінгі кезде АҚШ-та электрокар саудасының төмендеуі әсер еткен сияқты. Бірақ Fisker көліктері былтыр да жақсы өткен жоқ.
Компания 10 мыңға жуық электромобиль шығарып, оның небәрі 4.7 мыңын сата алды, бұл жоспардағыдан айтарлықтай төмен. Оның үстіне Fisker Ocean кроссовері клиенттер мен сарапшылардың сынына ұшыраған.
Кейінгі бірнеше айда Fisker құтқарушы іздеді. Компания басшысы Хенрик Фискер ықтимал инвесторлармен келіссөз жүргізіп жатқанын айтқан, кей дереккөз оның арасында Nissan бар екенін хабарлады. Сондай-ақ айналымға қаржы топтау үшін компания биыл көктемде көлік бағасын 40% түсірді. Бірақ оның еш пайдасы болмады. Аустрияның Magna фирмасындағы Ocean өндірісі бірнеше ай бұрын тоқтаған, компания мердігерге ақша төлей алмады.
2023 жылы Fisker бірнеше жаңа моделі — шағын Pear кроссовері, Alaska пикабы және сәнді Ronin кабриолетін көрсеткен, алайда ешбірі сериялы өндіріске шыққан жоқ. Басылым
Комментариев: 0