Firefly маркасының алғашқы моделі арзан электрохетч болады

Nio жаңа Firefly брендін таныстырып, оның алғашқы моделін көрсетті. Дизайны ерекше, батареялы автомобиль жастарға арналған. Бағасы — 148 800 юань (10.7 млн теңге).

Firefly Қытайда Smart және MINI брендімен бәсекелес болады. Бірақ жаңа өнімнің дизайны бұларға да, Nio топтамасына да мүлде ұқсамайды. Мысалы, машинаның алдыңғы және артқы жағында өзгеше жарық техникасы назар аудартады. Электрокар экстерьерін Мюнхендегі Nio студиясы жасаған.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Техникалық жағына келер болсақ, қазірше Firefly-дың бұрылу радиусы 4.7 метр, алдыңғы және артқы жүксалғыш көлемі 92 және 1250 литр екені ғана белгілі. Жабдықтар тізімінде Nio автоматты тұраққа қою жүйесі мен тоғыз қауіпсіздік жастығы бар. Әзірлеушілер осының арқасында машина C-NCAP сынағында жақсы ұпай алады деп сеніп отыр.

Firefly Қытайда келер жылы сәуірде тікелей саудаға шығады, ал Еуропаға жазға қарай жетеді. Nio жаңа брендті әлемдік нарыққа шығаруды жоспарлап отыр, жаңа модель Еуроодақтан бөлек Латын Америкасы мен Оңтүстік-Шығыс Азияда сатылады.