Ferrari «Твиттер» желісінде Purosangue деп аталатын алғашқы кроссоверінің шамы көрсетілген тизер жариялады. Жаңа модельді жұрт назарына 13 қыркүйекте ұсынады.
Purosangue-нің техникалық жағы туралы ақпарат көп емес. Машинаға алдымен атмосфералы V12 қойылатыны, кейін гибрид түрленімі шығатыны ғана белгілі. Көлікте пневматикалық аспа болады.
1 / 4
Ferrari Purosangue-ні кроссовер деп санамайды. Олар жаңа өнім үшін FUV (Ferrari Utility Vehicle) деп аталатын жеке класс ойлап тапты. Шпиондық фотосуреттен көлік шынымен кроссоверге ұқсамайтынын байқаймыз. Бұл суперкар шығаратын Ferrari-дің алғашқы төрт есікті сериялы көлігі екенін ұмытпаған жөн. Бұған дейін марканың төрт есікті жалғыз моделі болған, ол — жеті данасы шыққан 456GT Venice.
Комментариев: 0