Ferrari 499P Modificata. Бай-бағландар тізгіндейтін спортпрототип

Ferrari таңдаулы клиенттерімен Ле-Манда қол жеткізген даңқын бөлісу туралы шешім қабылдады. Осылайша 2023 жылғы марафонда жеңіске жеткен 499P спортпрототипінің негізінде жеке клиенттерге арналған суперкар жасады. 5.1 миллион еуроға бағаланған бұл көлік жалпы қолданыстағы жолға шыға алмайды. 499P Modificata түпнұсқадан да қуатты болып шықты. Көлікті сатып алған адам эксклюзив жарыстарға қатысу мүмкіндігіне ие болады.

1 / 19

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 19

499P Modificata моделін жасағанда инженерлер FIA регламентіне сүйенген жоқ, сол себепті болидтің күштік құрылымы сәл түрленген. Ол Ferrari 296 GT3-те тұрған 3 литрлік V6 негізіндегі гибридпен жүреді. Десе де алдыңғы электромоторды кез келген уақытта қосуға болады, ал ресми болидте оны жылдамдық 190 км/сағ-тан асқанда қосуға мүмкіндік бар.

Тағы бір жаңалық — Push to Pass жүйесі. Бір батырманы 7 секунд басып, мотор қуатын 163 ат күшіне дейін арттыруға болады. Суперкардың жалпы қуаты — 870 ат күші. Ал лемандық болидтің қуаты 680 ат күшімен шектелген.

Сырт пішіні және салонында өзгеріс немесе толықтыру болады деген мәлімет жоқ. Ferrari клиенттерге «Ле-Ман» жарысындағы тәжірибеден өтуге мүмкіндік беруді мақсат тұтып отырғанын айтты. Сол үшін компания Sport Prototipi Clienti деп аталатын іс-шара ұйымдастырады. Ferrari 499P Modificata бағасына трекке шығу билетінен бөлек барлық логистика мен техникалық қызмет көрсету құны кіреді.

Ferrari маусымның басында «Ле-Мандағы 24 сағатта» жеңіс тұғырынан көрінген еді. Компания үшін бұл 1965 жылдан бергі алғашқы және жалпы көрсеткіш бойынша алған оныншы атақ болды. Ең танымал жарыс биыл 100 жылдық мерейтойын атап өтті.