Exeed TXL Қазақстанда биыл ғана сатылымға шыққан, ал Қытайда оның орнын басатын модель жарық көріп үлгерді. Жаңа өнім — AtlantiX концептісінің сериялы нұсқасы. Машина өз елінде Yaoguang деп аталады, бірақ шетелге өзге атаумен шығуы мүмкін.
Көліктің сырт пішіні
Салонда 12.3 дюймдік екі дисплей орнатылған, ортаңғы консольде басқару элементтерінің көбі жоқ. Онда ұсақ-түйекке арналған бокс, смартфонды сымсыз қуаттау және климат орнату блогы ғана қалған. Автомат қораптың селекторы рөлге, ал қалғаны медиажүйе экранына көшіпті.
Сондай-ақ есікте әдеттегі тұтқа жоқ екені байқалады. Ол батырмамен ашылады. Yaoguang моделінде қандай опциялар болатыны туралы толық ақпарат жоқ, бірақ панорамалы шатыр мен электронды көмекшілердің толық жинағы болатыны анық.
Көлік 261 ат күші мен 400 Нм момент беретін 2 литрлік турбомотормен жүреді. Момент дөңгелектерге 8 сатылы автомат пен толық жетекті жүйе арқылы беріледі. Yaoguang — бейімді амортизатор орнатылған алғашқы Exeed моделі.
Yaoguang қытайлар небәрі екі жылда салған Chery Automobile Qingdao зауытында шығады. Бұл кәсіпорын жылына 200 мың машина өндіре алады. Кроссовер өз елінде 2022 жылдың аяғында сатыла бастайды. Модель Қазақстанға келе ме, жоқ па қазірше белгісіз.
Комментариев: 0