Exeed көліктерінің бағасы белгілі болды

Желтоқсанда біз Chery-дің суббренді саналатын Exeed маркасына тиесілі автомобильдер көктемде сатылымға шығатынын жазғанбыз. Нарықтағы жағдай тұрақсыз болғанына қарамастан, алғашқы «эксидтер» сәуірде Қазақстанға жетеді.

Exeed топтамасында шағын LX, орта көлемді TXL және ірі VX моделі бар. Exeed көліктері Chery-ден жабдықталуы ғана емес, техникалық жағынан да ерекшеленеді. Мысалы, ең арзан LX дәл Tiggo 7 Pro-дағы секілді 1.5 литрлік (144 а. к) мотор мен алдыңғы жетек жүйесіне ие болса, TXL мен VX толық жетекті болады. Ось арасындағы айналу моментін үлестіруге монодискілі BorgWarner жауапты.

1 / 9

• 
• 
• 
• 
• 
• 
• 
• 
• 

1 / 9

Қарапайым Exeed LX 15.1 млн теңге тұрады, ал панорама мен электронды көмекшілер үшін қосымша 800 мың теңге төлеуге тура келеді. 1.6 литрлік (186 а. к.) қозғалтқышы 7 сатылы Getrag роботымен жұптасатын TXL-дың базалық нұсқасын 19.9 миллионға, үздігін 20.9 млн теңгеге аласыз. Ал 2 литрлік (249 а. к.) мотормен жүретін VX-тің бағасы 22.4-22.9 млн теңге аралығында болады.

Exeed модельдерінің үшеуі де — VX, TXL және LX Kolesa.kz-ке шықты. Қажет ақпаратты «Жаңа көліктер» бөлімінен таба аласыз.

Бұл құны 20 млн теңгеден асатын алғашқы Қытай автомобильдері екенін айта кеткен жөн. Exeed әр өніміне 7 жыл (200 000 жүрген жол) кепілдік береді.

Марканың дилерлік желісі Алматы, Қостанай және Нұр-Сұлтанда бар, жыл аяқталғанша Ақтөбе, Атырау және Шымкентте ашылады.