Land Cruiser 200-дің аса бағалы әрі қымбат жиынтықтағы нұсқаларын таныстыру «Тойотаның» дәстүріне айналып бара жатқандай. Бұл жолы сатып алушылар назарына өткен жылы жарық көрген Excalibur жиынтығының орнына, жабдықталуы жағынан одан кем түспейтін Executive Lounge ұсынылмақ.
«Өкілдік жай» деп аталған нұсқа күңгірттелген оптикасымен, өзгеше радиатор торымен және алдыңғы бампердегі төменгі қаптамасымен ерекшеленеді. Оған қоса, Executive Lounge-дегі ақпараттық тақтайшалар дәстүрлі орнын сақтап, артқы тіреулерде тұр. Салондағы жоғары сапалы былғарымен қапталған орындықтардың тігісі экскалибурдегі сияқты ромб іспетті емес, бойлай орналасқан. Әлбетте, Executive Lounge LC200 үшін жасалған опциялардың барлығына да ие.
Жиынтықтың Қазақстандағы бағасы әлі жарияланған жоқ, дегенмен, автокөліктің Excalibur-ден қымбаттау болатыны белгілі. Қазір көлемі 4.6 литрлік (309 а.к.) жалғыз бензинді сегіздікке ие «Экскалибурді» кемі 30 640 000 теңгеге сатып алуға болады. Ал SE (қара түсті радиатор торы, күңгірттелген жарықдиодты LED-шамдар, тұманға қарсы алдыңғы жарықдиодты LED шамдары, хромдалған қосымшасы бар қара түсті бүйірлік айналар, қара түсті рейлингтер) пакетіне ие күңгірттелген нұсқасы үшін 31 930 000 теңге көлемінде қаражат жұмсауға тура келеді.
Excalibur автокөліктері жақсы сұранысқа ие, сол себепті Executive Lounge осы дәстүрді жаслғастырады деген ой күмән тудырмайды.
Комментариев: 0