Еуропаға арналған Renault Captur рестайлингтен өтті

Renault жаңарған Captur-ді таныстырды. Кроссовердің алдыңғы жағы, интерьері өзгеріп, жаңа үздік комплектациясы пайда болды, ал мотор гаммасында ешқандай өзгеріс жоқ. Компания сәуірде жаңа өнімге тапсырыс қабылдайды.

1 / 9

• 
• 
• 
• 
• 
• 
• 
• 
• 

1 / 9

Жаңа Captur Renault-ның Scenic және Rafale сияқты жаңа модельдеріне ұқсайды. Оптикасы жіңішкеленіп, күндізгі жүріс шамының пішіні өзгеріп, бамперге жайғасты, ал радиатор торы толығымен өзгерді. Одан бөлек капоты ауысып, артқы шам сызбасы түрленді.

1 / 6

• 
• 
• 
• 
• 
• 

1 / 6

Климат-бақылау блогын қоспағанда, салон архитектурасы сақталған. Дизайнерлер ірі шайба реттегіштерден бас тартып, кішігірім түймелер орнатты, ал негізгі баптаулар сенсорлы экранға ауысты. Дисплейдің өлшемі 9.3-тен 10.4 дюймге ұлғайды. Цифрлы аспаптар панелінің 7 немесе 10.25 дюймдік екі нұсқасы болады. Әрлеу материалдарының жинағы өзгерді, былғары тіпті ең үздік комплектацияда болмайды.

Қуатты RS Line нұсқасы енді Esprit Alpine деп аталады және Renault-ның спорттық брендін еске салады. Ол тек шанақтың айрықша күңгірт декорымен, эксклюзив дөңгелектермен және эко-матадан жасалған бірегей қаптауымен ерекшеленеді.

1 / 5

• 
• 
• 
• 
• 

Renault Captur Esprit Alpine

Renault Captur Esprit Alpine

Renault Captur Esprit Alpine

Renault Captur Esprit Alpine

Renault Captur Esprit Alpine

1 / 5

Бренд жаңадан бапталған аспа, өзгерген рөл параметрлері және Extended Grip жүргізу электроникасының қосымша жұмыс режимі туралы хабарлады, бұл алдыңғы жетекті көлікке кішігірім жолсыз жерден өтуге көмектеседі.

Модельдің мотор гаммасында бұрынғыдай бензин және гибрид күштік құрылым болады. Біріншісі 90-150 ат күшіне ие 1-1.3 литрлік турбомоторлардан, екіншісі 1.6 литрлік атмосфералы қозғалтқыштан және жалпы қуаты 145 ат күшіне (205 Нм) тең екі электрлі мотордан тұрады. Болашақта кроссовердің сыртқы қуат көзінен қуат алатын толыққанды бензоэлектрлі модификациясы болады.

Renault биыл көктемде Captur-дің жеті орынды ұзын нұсқасын шығаруды жоспарлап отыр. Оның платформасы мен қозғалтқыштары өзгермейді, бірақ Symbioz деп аталатын жеке модель ретінде шығады.