Желмен жарысқанды жақсы көретін жүргізушілерге тұсау болатын тағы бір электронды құрылғы пайда болды. Бұл жолы стандарт жабдықтар қатарына Intelligent Speed Assistance (ISA) деп аталатын интеллектуалды жылдамдық шектегіш қосылды.
Қазір ISA нұсқаларын жаңа автомобильдерден кездестіруге болады. Көмекшіні жүргізуші қосады және ол жылдамдық шегі көрсетілген жол белгілерін таниды. Түріне қарай жүйе рұқсат етілген жылдамдықты асырғанда дыбыстық сигнал береді немесе көліктің жылдамдауына мүмкіндік бермейді. Бірақ тізгінші газ педалін қаттырақ басса өшіп қалады.
Биыл шілдеден бастап Еуропада сатылатын су жаңа көліктерге ISA орнату міндеттелді. Ал 2024 жылдың 7 шілдесінен Еуроодақтағы бүкіл жаңа машина осы құрылғымен жабдықталуға тиіс.
Аталған жүйе жол апаты салдарынан болатын өлім-жітімді 30 %-ға төмендетеді деген болжам бар. Құжатта ISA әрекетінің бірнеше нұсқасы (дыбыс, вибрация, акселератор педалін түрту және қуатын шектеу) жазылған. Айта кетерлігі, оған мән бермеуге немесе уақытша өшіріп қоюға болады.
Комментариев: 0