Еуропада сатылатын кроссоверлердің ені жыл санап ұзарып келеді және тоқтайтын ойы жоқ. Transport&Environment талдаушылары Еуроодақ жолдары қазіргі көліктер үшін тым тар деп есептейді және бұл сегменттің дамуын мәжбүрлі тоқтатуды талап етті.
Мамандардың айтуынша шамамен 20 жыл бойы кроссовер еніне жылына орта есеппен 0.5 сантиметр қосылып келді. Нәтижесінде ені 2 метрге жақын немесе одан асатын BMW X7, Audi Q8 және Range Rover секілді модельдер Еуропада заңды түрде сатылып жатыр. Ал Еуропа қалаларындағы стандарт тұрақ орындары ені 180 сантиметрден аспайтын машиналарға арналған.
Сарапшылардың пікірінше мұның тікелей салдары — тарлық, өйткені Еуропа жолдары автомобиль ені сияқты үлкеймейді. Шамадан тыс ірі машина жаяу жүргіншілер мен басқа жол қозғалысына қатысушылардың, әсіресе велосипедшілердің жолын алады. Сонымен қатар көше тұрақтары жалпақ көліктерге толы болғандықтан, жол тарылып, көлік кептелісін тудырады.
Сарапшылар Еуроодақта ресми түрде сатылатын көліктердің еніне Еурокомиссия заңды шектеу енгізуі керек деп санайды. Бұл қауіпсіздікке оң әсерін беріп, автомобиль нарығына айтарлықтай ықпал етпейді. Әйтпесе жеңіл көліктер ерте ме, кеш пе, көлемі жағынан автобуспен және басқа толық өлшемді коммерциялық көлікпен бірдей болады. Transport&Environment деректеріне сүйенсек, жеңіл көліктің рұқсат етілген салмағы мен өлшемі туралы директиваны Еуропарламент алдағы айларда қарастыруы керек.
Комментариев: 0