Еуропа Қытай көліктеріне салатын салық мөлшері өзгерді

Биыл шілдеде Еуропа Қытайда шыққан электромобильдерге уақытша қымбат салық сала бастаған. Саясаткерлер Қытай автоөндірушілері бәсекеге әділ түспейді, олар мемлекет субсидиясына сүйеніп, өнімін төмен бағаға сатып жатыр деп санайды.

Қымбат тариф Қытайда шыққан барлық электромобильге қатысты. Яғни, ол Geely және BYD сияқты таза Қытай маркаларына да, Volkswagen және BMW сияқты Қытайда өнім шығаратын Еуропа концерндеріне де әсер етеді. Reuters хабарлағандай, Еурокомиссия тергеуіне атсалысқан автоөндірушілерге тариф төмен болады.

Мысалы, BMW электрлі Mini-дің салығын 37.6-дан 21.3%-ға төмендетуге рұқсат алды. Volkswagen еншілес компаниясы Seat брендінің Cupra Tavascan кроссоверіне осындай жеңілдік алды. Ал ең төмен жеңілдікке Tesla ие болды. Марка Шанхайда жасалған модельдерге енді 20.8 емес, 9 % төлейді.

Сондай-ақ кейбір Қытай компанияларына аздаған жеңілдік жасалды. Geely енді 19.9 емес, 19.3 %, ал BYD 17.4 емес, 17 % берешек болады.

Алым сомасы бұдан кейін де өзгеруі мүмкін. Еурокомиссия тергеуді биыл қарашада аяқтап, 5 жылға жарамды жаңа тарифті бекітеді.