Bring a Trailer аукцион порталында 1994 жылғы Toyota Supra сатылып жатыр. Екінші буындағы машина 48 мың миль жол жүріпті. Саудаға түсе салысымен бағасы 100 мың доллардан асты.
Қымбат сатылған басқа нұсқалармен салыстырғанда бұл модельдің шатыры алынбайды, бірақ қараға боялып, интерьері де осы түспен әрленген. Капот астында 6 сатылы механикамен жұмыс істейтін 3 литрлік 2JZ-GTE бар көлік саны тым аз көрінеді. Сондықтан мұндай машинаны табу коллекционер үшін сәттілік саналады.
Лот бетінде автомобильдің тарихы жазылмапты. Қазіргі иесіне дейін төрт адамның меншігінде болған машина Огайо, Мичиган, Иллинойс және Флорида жолдарында жүрген. Спорткардың жағдайы керемет әрі зауыттан шыққандағы қалпын барынша сақтапты. Дегенмен біршама тюнинг жасалған.
Supra әдеттегіден аласа. Автомобильде койловер жоқ, бірақ Eibach серіппесін орнатқан. Сатар алдында машина техникалық тексерістен өтіп, шеберлер ГҮМ шынжыры, роликтер, тартқыштар, бірнеше тығыздағыш, сусорғы және термостатын ауыстырған. Одан бөлек дискінің ортасында тұратын хром қалпаққа тапсырыс беріпті.
Комментариев: 0