Ескі Suzuki Jimny қатардан шықты

Ескі Suzuki Jimny 2018 жылы модельдің төртінші буыны шыққаннан кейін Жапониядағы зауыттың конвейерінен алынды. Бірақ көне модель Бразилияда жалғасты өндіріліп, ол елде Jimny Sierra деп аталатын заманауи нұсқасымен бірге сатылған. Үшінші буындағы Jimny өндірісі ақыры тоқтады. Көлік елдегі жаңа экологиялық талапқа байланысты қатардан шықты.

Анықтама үшін: Suzuki Jimny — жапониялық марканың Бразилияда шығатын жалғыз моделі. Машина Mitsubishi өндірісіне арналған HPE Automotores зауытында құрастырылады.

Жергілікті Suzuki бөлімшесінің басшылығы 85 ат күшіне ие 1.3 литрлік атмосфералы моторды қатаң Proconve L7 стандартына сай етіп жаңарту тиімсіз деп шешті. Бразилияда ескі Jimny-ді қазір де сатып алуға болады, бірақ машина қоры қанша уақытқа жететіні белгісіз.

Jimny Бразилияда 111 990–137 990 реалға (10.4–12.9 млн теңге) сатылады. Бұл төртінші буыннан әлдеқайда арзан, оның бағасы 156 990 реалдан (14.6 млн теңге) басталады. Қазақстанда екінші нарықтан Jimny-дің ескісін де, жаңасын да табуға болады. Үшінші буындағы ең ескі көліктер 4.4 млн теңге тұрса, жаңа машиналардың бағасы 20 млн теңгеге дейін жетеді.