Американың Коннектикут штатында Lamborghini Diablo суперкарын саудаға шығарды. Көлік түпнұсқадан он есе арзан. Қолдан істелген көшірмені 1987 жылғы Pontiac Fiero негізінде жасапты. Ескі «понтиактың» шанағын ғана емес, интерьерін де өзгерткен, бірақ америкалық қозғалтқыш сол қалпы тұр.
Орташа мотормен ерекшеленетін Pontiac Fiero-ны шеберлер танымал суперкар жасауға жиі пайдаланады. Дәл осы нұсқада дөңгелек базасын ұлғайтқан. Барлық шанақ панелі, оптика және дөңгелек дискілері ауысқан, ал артқы бөлікте қосымша шағын жүксалғыш пайда болды.
Реплика жасаушы интерьерге де өзгеріс енгізіп, осыған ұқсас жоба авторларын басып озды. Суперкардың алдыңғы панелінің пішінін өзгертіп, жаңа аспаптар панелін орнатты және трансмиссия тоннелін жаңартты.
Diablo 5.7 литрлік атмосфералы
Хабарландыру авторы автомобильдің жағдайы нашар деп отыр. Мысалы, құрылғылардың арасында спидометр ғана істеп тұр, шамы мен тежеуіші істен шыққан. Соған қарамастан родстерге қызығушалардың бар екені байқалады.
Комментариев: 0