Ескі Nissan Sentra 33 мың долларға сатылды

Америкалық аукцион порталдардың бірінде 1992 жылғы Nissan Sentra SE-R купесі сатылды. Оның одометрі небәрі 445 миля (716 шақырым) көрсетіп тұр. Екі есікті көлік 30 жыл бойы бір адамның қолында болған, жүрген жолына қарап-ақ машинаның жолға көп шықпағанын білуге болады.

1 / 9

• 
• 
• 
• 
• 
• 
• 
• 
• 

1 / 9

Салоны да өте жақсы сақталған. Бүйірлік тірегіші жақсартылған алдыңғы орындықтар мен қауіпсіздік белдігі ерекше назар аудартады.

1 / 6

• 
• 
• 
• 
• 
• 

1 / 6

Екі есікті Sentra 140 ат күшіне ие 2 литрлік SR20DE моторымен жүреді. Барлық 179 Нм момент 5 сатылы механика арқылы алдыңғы дөңгелектерге беріледі.

Sentra-ны 1992 жылы жаңа кезінде иесі 13 445 долларға алыпты. Қазіргі доллармен есептесек 28 мыңнан сәл асады. Бәс саудада купеге бірнеше сатып алушы қызығып, бағасы 30 мыңнан асты, соңында 33 500 долларға сатылды.

Анықтама ретінде: B13 шанағындағы Nissan Sentra 1990 жылдан 2017 жылға дейін шығарылды. Sentra (B13) 1994 жылдан кейін Tsuro деген атаумен Мексикада жасалды. Ал екі есікті SE-R 1991 жылы жарық көрді. Арзан спорткар тәуелсіз аспа, барлық дөңгелектегі диск тежеуіші, капот астындағы SR20 моторы және жеңіл салмағымен (1028 келі) мақтана алады.