Классикалық көліктер сатумен айналысатын америкалық автосалондардың бірінде екінші буындағы Nissan Patrol-ды сатылымға қойылды. Конвейерден 1969 жылы шыққан жол талғамайтын көлік 41 000 милядан аз жол жүріпті.
Салон өкілдері көліктің өткен тарихын жариялаған жоқ. Бірақ машинаның жаңа көрінуі күтіп мінілгеннен немесе гаражда жақсы сақталғанынан емес, әрлеу жұмысының нәтижесі екенін айтты. Nissan Patrol боялған, салонына жаңа орындықтар мен өзге де бірқатар бөлшек орнатылған. Соған қарамастан көлікте шіріген жерлер әлі бар.
Жол талғамайтын көліктің капот астына 4 литрлік бензинді қатарлы алтылық орнатылған, 145 ат күшін беретін мотор механикамен жұмыс істейді. Нұсқасына байланысты беріліс қорабы 3 немесе 4 сатылы болуы мүмкін, бірақ біз сөз етіп отырған машина 5 сатылы механикамен жабдықталған. Ең қызығы, «Патролдың» жылдамдығын сағатына 100 шақырымнан асырмау ұсынылады.
Машинаны 27.9 мың долларға сату жоспарланған, аз сома емес. Бірақ осыған ұқсас Ford Bronco, Toyota FJ40 және Land Rover Defender сияқты классикалық жол талғамайтын көліктер АҚШ-та айтарлықтай қымбат. Дәл осындай жағдайдағы машиналардың бағасы 50 мың доллар мөлшерінде, демек «Патрол» ескі көліктерді ұнататындар үшін жақсы таңдау саналады.
Комментариев: 0