Ескі «мерседес» су басқан тұрақтан өзі шықты

Mercedes-Benz W123 төзімді екенін тағы дәлелдеді. Әлеуметтік желіде Альхемеси қаласындағы толығымен лайға батқан седанның жерасты тұрағынан өз күшімен шығып келе жатқан видеосы кең таралды. «Дана» дауылы себеп болған су тасқыны салдарынан автотұрақ бірнеше күн су астында қалды.

123-тің иесі Айвен Феличи Рубио құтқару қызметі суды айдап шығарғаннан кейін ғана автотұраққа кіре алды. Ол седанның жағдайына қарап, жүретініне еш үміттенбеген. Бірақ жаңа аккумулятор салып, W123-ті оталдырып көргісі келіпті.

Рубио қозғалтқыш бірден іске қосылғанына қатты таңғалған. Автомобильдің шыққан жылы белгісіз, бірақ W123 сериясы 1975-1986 жылдары жарық көрді. Модельдің бірнеше шанақ түрі және ауқымды мотор гаммасы болған. Седан саны 2.3 миллионнан асады.

Айвен Рубионың көлігі — 88 ат күшін беретін 3 литрлік дизельді моторы бар 300D нұсқасы. Мұндай машина алғашқы жүздікті шамамен 18 секундта еңсереді.

Валенсиядағы «Дана» дауылынан шамамен 100 мың машина зақымданған. Олардың елуге жуығы аман қалды, бір қызығы көбі 2000 жылға дейін шыққан. Мамандар көліктерді оталдырмас бұрын әбден құрғатқан, ал 123-ті иесі автотұрақтан өзі жүргізіп шықты.