Ескі Maserati Biturbo қымбат рестомодқа айналады

1981-1994 жылдар аралығында шектеулі түрде шыққан түпнұсқа Maserati Biturbo-ның өлшемі сол кезеңдегі BMW-ның үшінші моделімен шамалас болған, бірақ әлдеқайда сәнді салон және екі турбиналы 2 литрлік V6 моторымен жабдықталды.

Отанынан тыс жерде көпшілікке таныс емес Modena Automobili ательесі ескі көлікті жақсартып, Maserati Biturbo Shamal рестомодын ұсынды. Әзірге машинаның рендері жасалған, 1983 жылғы Maserati Biturbo Coupe-ке негізделген алғашқы нұсқа 2025 жылдың екінші тоқсанына қарай дайын болады.

Мамандар донор көліктің болат монокогын карбонмен күшейтіп, Shamal моделіне тән жалпақ қанаты, қырлы дөңгелек аркасы бар көміртекті пластиктен жасалған бастырықпен жабдықтады, ал қара түсті ортаңғы тірегі қауіпсіздік доғасы қызметін атқарады.

1 / 8

• 
• 
• 
• 
• 
• 
• 
• 

1 / 8

Рестомод Maserati Ghibli S әзірлеген екі турбиналы 3 литрлік V6-мен жүреді. Оның қуаты 410 ат күшінен 500 ат күшіне дейін артты, момент 8 сатылы ZF автоматы мен Ghibli дифференциалы арқылы артқы дөңгелектерге беріледі. Шеберхана мәліметі бойынша көлік алғашқы жүздікті 4.9 секундта еңсереді, ал максимал жылдамдығы — 290 км/сағ.

Ателье күштік құрылымымен бірге аспасын да жаңартты, желдетілетін дискілері бар Brembo тежеуішін орнатты. 18 дюймдік дискілері Pirelli P Zero шинасымен қапталған.

Modena Automobili жоба сәтті болатынына сенімді және бағасы 585 000 еуродан басталатын Maserati Biturbo Shamal-ға тапсырыс қабылдай бастады. Ол қазіргі Maserati-дің кез келген моделінен қымбат тұрады. Рестомодтың небәрі 33 данасы болады, ал жеткізу мерзімі 8-10 айға созылады.