Ескі Ford RS200 жаңа Porsche-ден қымбат тұрады

Ақпанның аяғында Ұлыбританиядағы Iconic Auctioneers аукцион үйі ерекше Ford RS200-ді саудаға қояды, өте сирек кездесетін көлік коллекционерлер мен драйвты жақс көретіндерге ұнайтыны анық. Мұндай RS200-дің төрт экземпляры жасалған, қазір екеуі ғана бар. Сондықтан сатушылар спорткарды 300-350 мың фунтқа (200-232 млн теңге) бағалап отыр. Ұлыбританияда жаңа Porsche 911 бұдан үш есе арзан тұрады.

1 / 17

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 17

Ford RS200 купесінің жобасы аты аңызға айналған «В тобы» раллиінен басталған, бірақ Ford керісінше әдіспен жұмыс істеді. Еуропалық брендтер әдетте жарыс машинасын азаматтық модельді негізге алып құрастырады, ал Ford алдымен мықты спорткар құрастырып, кейін оның жалпыға арналған нұсқасын шығарды. Сондай-ақ қуатты қозғалтқыш, толық жетек және жарыс шассиін сақтап қалды.

Сол кездегі омологация талабына сай, кем дегенде 200 сериялы автомобиль шығару қажет болған, бірақ тек 150-ге жуық RS200 сатылды деген болжам бар. Оның 20-ға жуығы канадалық кәсіпкер Мюррей Вердттің бастамасымен толық комплектация және қуатты мотормен ерекшеленетін S нұсқасы (Special) болды. Әдеттегі жолға арналған RS200-дің 1.8 литрлік Cosworth агрегатының қуаты 450-ден 250 ат күшіне төмендеген, ал S нұсқасының қуаты 350 ат күшіне жетеді.

1 / 11

• 
• 
• 
• 
• 
• 
• 
• 
• 
• 
• 

1 / 11

Саудаға түсетін экземпляр санының шекті болғаны үшін ғана емес, шанақ түсіне байланысты да сирек кездесетін машина саналады. RS200-дің негізгі түсі ақ, біз сөз етіп отырған спорткар зауытта қызыл түске боялған төрт машинаның бірі. Купе ыңғайлы кресло, электрлі әйнек көтергіш, аудиожүйе және кондиционермен жабдықталған.

Сатушылар Ford RS200 S-тің бір ғана иесі болғанын әрі небәрі 32 мың шақырым жол жүргенін хабарлады.