Ескі Chevrolet Impala-ның қалдығы 30 000 $ тұрады

Craigslist-те Нью-Йоркте тұрған 1959 жылғы Chevrolet Impala туралы хабарландыру жарияланды. Иесі отыз мың долларға бағалаған кабриолеттің тек тат басқан панельдері мен үйілген қосалқы бөлшектері қалған. АҚШ-та мұндай ақшаға жақсы жабдықталған Toyota Camry сатып алуға болады.

Шыққан жылына қарасақ, бұл модель Bel Air-ден бөлініп кеткен кезде шыққан алғашқы нұсқа сияқты. Суреттерден көлік өмірінің көп бөлігін тиісті күтімсіз, далада өткізді деген ой келеді.

1 / 6

• 
• 
• 
• 
• 
• 

1 / 6

Кабриолеттің артқы дөңгелектері мен түбі жоқ, салонды тек елестетуге болады, ал аман қалған шанақ панельдері шіріп кеткен. Қозғалтқыш жайында хабарландыруда айтылмаған, суреті де жоқ. Қорабы орнында болғанымен Impala мотормен баяғыда қош айтысқан болу керек. Көліктен бөлек жатқан тат басқан бөлшектерін қоса береді.

Коллекционерлер 1950 жылғы «Импалаға» шынымен қызығады, жақсы сақталғандарының құны жүз мың доллардан асады. Иесі металл коллекциясын донор ретінде сатқысы келетін сияқты. Кабриолеттің құжаты түгел, ал қаңқасында зауыттық деректер жазылған тақта бар екен.